【名家專欄】【Kenneth Chau】金蛋數碼講之「市場有價」

彼得蔡剛從星架坡回港，春風滿面兼笑逐顏開，皆因他的新 app 在英超大師賽出盡風頭，利物蒲球員穿上印有 Bull Bear 的波衫比賽，更贏埋阿仙奴攞咗總冠軍，真係威過威士忌，鄒記有幸掹車邊去觀賽，與利記和兵工廠超級球星拍照，開心到幾晚瞓吾著。

很多金蛋老友問彼得贊助了多少錢？當然係商業秘密無可奉告，但係 Startup 可以爭取如此機會作推廣，真係一個值得參考的案例。行家都知道寫 app 不難，推廣就真係好難，要人地 download app 更加難上加難；以前有公司試過派尿袋，送雪糕，現金回贈，但效果並不明顯，轉頭 del app 大有人在，嗚呼哀哉。

風水佬呃你十年八年，鄒記醒你兩嘢絕招除非吾得；首先在 app 內增加多些個人化元素，例如給用戶設計獨有版面，儲存一些有紀念性的圖片，創作用戶的個人音樂；另又可以加入績分計劃，舉例玩得多績分越多，用 referral code 績分又多一倍，雖然用戶輕易賺取，但卻不會輕易刪除；最後絶招就係加入女性化元素，據非官方統計，女性 download 和 del app 比例相對較低，一旦喜歡仲會咬住吾放，所以增加女性用戶絕對是上上策。

大家咁努力做市場推廣，無非都係想攞多幾個 download 啫，動動腦筋去爭取多啲不同合作機會，借力打力方為上策，今次要向 Bull Bear 好好學習。

作者簡介：鄒健宏 Kenneth Chau ，科學園科培網絡會長。 個人專頁：鄒健宏 Kenneth Chau

#專欄屬於作者意見，並不代表本網立場