【名家專欄】【Kenneth Chau】金蛋數碼講之「等價交換」

越來越多朋友選擇科技創業，據聞成功加入培育計劃後，都要等半年先上到樓，新進創業家必須爭取時間，有些寄居老友公司先行研發，亦有租用共享工作間擴闊網絡，更多是外出尋找合作夥伴，為公司未來打好基礎。

「儲蓄王」憑一個創新理念，上個月成功申請數碼埠十萬大洋創業基金，雄心勃勃去招兵買馬，但幾個禮拜都未找到合適的寫程式夥伴，雖知今時今日請Programmer真係難過請扎鐡，市場需求大供應少，有質素的更可遇不可求。

今日忽然收到「儲蓄王」電話，佢話未請到programmer咁不如先去搵錢做fund raising，因為天使會突然通知有個空位俾佢present，簡直係如獲至寶咁話；咁鄒記梗係吾會阻人發達，不過就奉勸佢不要抱太大期望；一個只有理念沒有團隊的新公司，成功搵錢的機會接近零，就算搵到都可能喊三聲。

講開又講，近期鄒記發現香港市場只有三類投資者；第一種是父母為成功商人如廠家之類，為外國回流而不願繼承祖業的兒子投資初創，給他一個與創業者學習的機會；第二種是基金公司需要加大portfolio，去吸收更多投資者；第三種是上市公司的併購活動，刺激一下股價咁啦！

以上三種全是「等價交換」的公平交易，各取所需；很多初創公司常埋怨無人投資，大佬都要諗下搵乜嘢同人換先，生意額？市場佔有率？用戶數據？鄒記見過最神奇的是換一段婚姻，女方老豆投資了男方的初創，男女相方更共諧連理，真係恭喜！恭喜！

作者簡介：鄒健宏 Kenneth Chau ，科學園科培網絡會長。

#專欄屬於作者意見，並不代表本網立場